पूर्वी ‘हलाल’ व्यवस्था केवळ मांसाहारी पदार्थांपुरती आणि मुसलमान देशांत निर्यातीपुरती मर्यादित होती; मात्र धर्मनिरपेक्ष भारतात सध्या काही खाजगी कट्टरतावादी इस्लामी संस्थांकडून ‘धान्य, फळे, खाद्यपदार्थ, सौंदर्यप्रसाधने, औषधे, रुग्णालये, गृहसंस्था, ‘मॉल’, डेटिंग साईट आदी सर्वच क्षेत्रे 'हलाल सर्टिफाईड' करून हिंदू व्यापार्‍यांचे शोषण केले जात आहे. भारत शासनाच्या ‘अन्न सुरक्षा आणि मानक प्राधिकरण (FSSAI)’ या अधिकृत संस्थेकडून प्रमाणपत्र घेतलेले असतांनाही व्यापार्‍यांना आवश्यकता नसतांनाही प्रत्येक उत्पादनासाठी 47 हजार रुपये शुल्क भरून ‘हलाल प्रमाणपत्र’ घ्यावे लागत आहे. तसेच नुतनीकरणासाठी दरवर्षी 20 हजार 500 रुपये द्यावे लागत आहेत. सर्वांत महत्त्वाचे म्हणजे हा पैसा आपल्या देशात बाँबस्फोट प्रकरणी अटकेत असलेल्या 700 आतंकवाद्यांना कायदेशीर साहाय्य करण्यासाठी वापरला जात आहे. हे देशाच्या सुरक्षेच्या दृष्टीने अत्यंत धोकादायक आहे. तसेच केवळ 15 टक्के लोकांसाठी 85 टक्के लोकांवर ‘हलाल’ उत्पादने लादणे, हा धार्मिक अन्याय आहे.
येत्या 22 जानेवारी 2024 ला अयोध्येतील नवनिर्मित श्रीराम मंदिरात प्रभू श्रीरामांच्या मूर्तीची प्राणप्रतिष्ठापना होत आहे. त्यामुळे देशभरातून कोट्यवधी हिंदू भाविक हे भगवान श्रीरामाचे दर्शन करण्यासाठी अयोध्येला पोहोचणार आहे. मंदिरे ही हिंदु धर्माची आधारशीला आहेत. या मंदिरांचे पावित्र्य जपणे, हे प्रत्येक हिंदूचे धर्मकर्तव्य आहे. हरिद्वार आणि ऋषीकेश येथेही मद्य-मांस यांवर 100 टक्के बंदी आहे. याच धर्तीवर अयोध्यानागरी संपूर्णपणे मद्य-मांस मुक्त करावी, अशी मागणीही या वेळी करण्यात आली.
